Беларуская ментальнасць на фоне нямецкага кантэксту ў кнігах Алеся Разанава «Гановерскія пункціры» і «Трэцяе вока»

Abstract

У артыкуле з дапамогай дэскрыптыўнага і кампаратыўнага метадаў даследавання аналізуюцца фармальна-зместавыя асаблівасці пункціраў кніг-білінгв Алеся Разанава «Гановерскія пункціры» (Гановер, 2002) і «Трэцяе вока» (Базэль, 2007). Упершыню акцэнтуецца ўвага на нацыянальнай змястоўнасці мініяцюр А. Разанава «гановерскага» і «швейцарскага» цыклаў, на вобразах з нацыянальнай канцэптуальнасцю, слядамі беларускай ментальнасці. Аўтарам робіцца выснова аб тым, што кнігі-білінгвы «Гановерскія пункціры» і «Трэцяе вока» спрыяюць замаца¬ванню беларускага ў іншанацыянальным кантэксце. Паэт нібы нанова сцвярджае беларусаў на законным пасадзе між еўрапейцамі, разбурае псіхалагічныя бар’еры ў міжкультурнай камунікацыі. Бібліягр. – 11 назваў.