Беларуская камерна-інструментальная музыка ХХ стагоддзя: жанр струннага квартэта

Abstract

У аўтарэфераце дысертацыі ўпершыню распрацаваны метадалагічныя падыходы да айчыннай камерна-інструментальнай музыкі, якія дазваляюць вызначыць яе своеасаблівасць на фоне сусветных музычных традыцый; зроблена каталагізацыя беларускіх камерных твораў ХХ ст. па жанравых і храналагічных прынцыпах; створана гістарычная панарама беларускай камерна-інструментальнай музыкі ХХ ст.; вызначана роля ў нацыянальным музычным працэсе жанру струннага квартэта і характэрныя накірункі яго эвалюцыі; на аснове аналіза беларускіх струнных квартэтаў прасочана гісторыя развіцця жанру, вызначаны асобы кампазітараў, якія ўнеслі значны ўклад у беларускую квартэтную творчасць і пададзена абагульненая характарыстыка іх дасягненняў у азначанай сферы. Матэрыялы дысертацыі могуць быць выкарыстаны ў вучэбных курсах у вышэйшых навучальных установах музычнага профілю. Вынікі даследавання могуць скласці базу для стварэння вучэбнай літаратуры, скіраванай на нацыянальнае выхаванне беларускіх музыкантаў: выканаўцаў, кампазітраў, музыказнаўцаў. Увядзенне ў практычны ўжытак малавядомых твораў можа паспрыяць пашырэнню канцэртнага рэпертуару, садзейнічаць прапагандзе дасягненняў айчыннага музычнага мастацтва.