Электаральныя паводзіны насельніцтва: аналіз у рамках сацыяльна-псіхалагічнага падыходу

Abstract

Выяўлены сутнасць, асаблівасці, вартасці і недахопы сацыяльна-псіхалагічнага тэарэтыка-метадалагічнага падыходу да вывучэння электаральных паводзін насельніцтва, магчымасці яго ўжывання ў сацыялагічным даследаванні электаральных паводзін грамадзян посткамуністычных краін (Рэспубліка Беларусь) з улікам спецыфікі стану і развіцця іх палітычнай і партыйнай сістэмы, выбарчага заканадаўства і практыкі правядзення выбараў. Прааналізаваны інтэрпрэтацыі сацыяльна-псіхалагічнага падыходу рознымі аўтарамі: Э. Кэмпбелам, П. Конверсам, У. Мілерам, Д. Німа і Т. Юнгсам, Р. Роўзам і У. Мішлерам і інш. Адзначаецца, што сацыяльна-псіхалагічны падыход атрымаў досыць шырокае распаўсюджванне ў сацыялагічных даследаваннях электаральных паводзін, асабліва ў Злучаных Штатах Амерыкі і Заходняй Еўропе, а таксама ў дзяржавах з двухпартыйнай сістэмай (Вялікабрытанія). Разгледжаны працы шэрагу расійскіх аўтараў, якія робяць спробы на аснове дадзенага падыходу стварыць уласныя мадэлі электаральных паводзін, што адказваюць патрабаванням расійскіх палітычных рэалій (А. Мялешкіна), выявіць базу партыйнай ідэнтыфікацыі жыхароў Расійскай Федэрацыі (У. Ядаў).