Матывы рамантычнага светаўспрымання ў творчасці Яна Чачота

Abstract

Узгадваецца першы з абуджальнікаў духу беларускай нацыі – Я. Чачот. Яго вядомыя нам літаратурныя творы з’явіліся ў перыяд студэнцкага «філамацкага» жыцця. Многія вершы адлюстроўвалі разнастайныя народныя матывы і любоў аўтара да свабоды. У працах Я. Чачота можна ўгледзець выразныя атрыбуты тагачаснай эпохі. Вельмі цікавая частка яго літаратурнай спадчыны – гэта балады, заснаваныя на беларускіх народных легендах, і цыкл вершаў пад назвай «Спевы пра даўніх ліцвінаў да 1434 года», які прэзентуе гісторыю старажытнай Беларусі ў яркіх вобразах. Ян Чачот валодаў многімі еўрапейскімі мовамі (французскай, нямецкай, англійскай, лацінскай, польскай, рускай), але, разам з тым, да канца сваіх дзён ен заставаўся верны беларускаму народу, яго культуры і мове. Творчасць паэта дэманструе тыповы рамантычны погляд на свет, які не страціў актуальнасці да цяперашняга часу. Бібліягр. – 10 назваў.