Арганізацыя фальварковых гаспадарак на землях беларускага Палесся ў XVI ст.

Abstract

У артыкуле прааналізаваны і вылучаны прычыны станаўлення фальварка ў якасці пануючай формы арганізацыі ўласнай гаспадаркі феадалаў Беларускага Палесся ў XVI ст. Сярод прычын увага нададзена ўсталяванню шляхоў зносін з Заходняй Еўропай для збыту сельскагаспадарчай прадукцыі. Былі ўтвораны гандлёвыя сувязі Беларускага Палесся з буйнымі гарадамі ў басейнах сплаўных рэк – Заходняга Буга, Нёмана і Заходняй Дзвіны. Даследчык прыйшоў да высновы, што найбольш эфектыўныя двары былі арганізаваны ў Пінскім старостве – Сялецкі і Ставецкі, у Кобрынскай эканоміі – Чаравачыцкі, Вяжэцкі і Дабучанскі. У артыкуле на аснове крыніц зроблена рэканструкцыя вышэй пералічаных фальваркаў. Фальварак складаўся з сядзібы, панскай запашкі, валок для збору сена, садоў і агародаў, і «вольных» валок, а аснову яго насельніцтва складалі цяглыя сяляне. Табл. – 2. Бібліягр. – 17 назваў.