Вобразная характарыстыка беларускай аказіянальнай абраднасці

Abstract

Артыкул прысвечаны разгляду вобразаў і персанажаў беларускай аказіянальнай абраднасці ў тэкстах з акцыянальна-вербальнымі сюжэтамі, звязанымі з узнікненнем асаблівых крызісных сітуацый: моцных дажджоў, засухі, навальніцы, граду, хвароб, эпідэмій, пажараў і інш. Вербальныя адзінкі разглядаюцца як сістэма знакаў, з дапамогай якой перадавалася інфармацыя пра кампаненты аказіянальнага абраду. Разуменне гіпертэксту дазваляе адкрыць новыя сэнсы не толькі ў даследаванні асобных абрадаў, але і ў вывучэнні сацыяльных адносін, культурнага асяроддзя, светапогляду людзей. У якасці прыкладаў прыведзены запісы беларускай аказіянальнай абраднасці, сабраныя ў розных рэгіёнах Беларусі ў ХХ–ХХІ стст.