Якасць вучэбных праграм як умова ўстойлівай геаграфічнай адукацыі

Abstract

Сучасная канцэпцыя геаграфічнай адукацыі ў агульнаадукацыйных установах Рэспублікі Беларусь вызначае метадалагічныя асновы фарміравання зместу вучэбнага прадмета, яго мэты, дыдактычныя асновы, прынцыпы і крытэрыі канструявання зместу, агульную характарыстыку і асаблівасці пабудовы вучэбнага прадмета, а таксама склад вучэбна-метадычнага комплексу па прадмету. Канцэпцыя вучэбнага прадмета “Геаграфія” (далей Канцэпцыя), побач з Адукацыйным стандартам, з’яўляюцца тымі нарматыўнымі дакументамі, якія бяруцца за аснову пры распрацоўцы вучэбных праграм па геаграфіі для агульнаадукацыйных устаноў. Ад якасці складання вучэбных праграм, у сваю чаргу, залежыць змест і якасць падрыхтоўкі вучэбных дапаможнікаў па ўсіх курсах геаграфіі, вывучэнне якіх прадугледжана ў агульнаадукацыйных установах Рэспублікі Беларусь. Аднак практычны вопыт працы аўтара пры падрыхтоўцы вучэбных дапаможнікаў па асобных курсах прадмета “Геаграфія” паказвае, што тыя вучэбныя праграмы, якія дзейнічаюць сёння ў рэспубліцы, не ў поўнай меры адпавядаюць сучаснай канцэпцыі геаграфічнай адукацыі і патрабуюць істотнага ўдасканальвання. У якасці пацверджання гэтаму ніжэй прапануецца аналіз вучэбнай праграмы курса “Геаграфія мацерыкоў і краін” для 9 класа (Еўразія).