Прыкладная лінгвістыка: «прынцып Элізы» і сінкрэтызм

Abstract

Веды, набытыя ў сферы прыкладной лінгвістыкі, сінкрэтычныя. Дыфузія розных навуковых дысцыплін аказвае ўплыў на структуру прыкладных даследаванняў. Зразумела, інтэрдысцыплінарны характар прыкладной лінг­вістыкі ў значнай ступені ўскладняе працэс фар­мі­ра­ван­ня яе метадалогіі і практыкі. У гэтым сэнсе яна сутыкаецца з тыповай праблемай рэалізацыі мноства бясспрэчных перспектыў. Да шэрагу важных аспектаў камп’ютарна-апасродкаванага дыскурсу належыць праблема суіснавання філалагічнага зместу прыкладных дасле­даванняў, з аднаго боку, і інфармацыйнай формы адпаведных інструментаў, з другога. Сутнасць сучаснага праграмавання і IT-сферы ў цэлым – гэта па-ранейшаму імітацыя знешніх праяў чалавечага інтэлекту, «прынцып Элізы». На практыцы вузкая спецыялізацыя ў сучаснай навуцы абумоўлівае фармі­раванне інтэрдысцыплінарных калекты­ваў даследчыкаў, здольных эфектыўна рэалізоўваць перавагі сінкрэтычных ведаў прыкладной лінгвістыкі.