Фальклорныя традыцыi як педагагiчныя ўмовы фармiравання маўленча-камунікатыўнай кампетэнцыi ў малодшых школьнiкаў на I ступенi агульнай сярэдняй адукацыi

Abstract

Адной з актуальных праблем на I ступені агульнай сярэдняй адукацыі з'яўляецца фарміраванне маўленча-камунікатыўнай кампетэнцыі ў малодшых школьнікаў. Яшчэ адной з актуальных праблем сучаснай адукацыі з'яўляецца захаванне і перадача падрастаючаму пакаленню фальклорных традыцый. Мы прапануем аб'яднанне напрамкаў работы па гэтых праблемах у адзіную сістэму і выкарыстанне фальклорных традыцый у якасці педагагічных умоў для фарміравання маўленча-камунікатыўнай кампетэнцыі. З мэтай стварэння спецыяльных педагагічных умоў для фарміравання маўленча-камунікатыўнай кампетэнцыі намі была распрацавана сістэма спецыяльнаарганiзаваных мерапрыемстваў, заснаваных на беларускіх фальклорных традыцыях, з выкарыстаннем інтэнсіўных адукацыйных тэхналогій. Сістэма працы спрыяе паступоваму вывучэнню фальклорных традыцый, дапамагае фарміраванню прыёмаў і правілаў зносін, развівае творчыя здольнасці, акрамя таго развіваецца слоўнікавы запас, гукавымаўленне, граматычны стой маўлення, выразнасць маўлення. Гэта прыводзiць да таго, што ў гульнёвай форме адбываецца працэс фарміравання маўленча-камунікатыўнай кампетэнцыі.