ЛІНГВІСТЫЧНЫЯ АДМЕТНАСЦІ АЎДЫЯГІДАЎ ЯК КАМПАНЕНТАЎ БЕЛАРУСКАГА ТУРЫСТЫЧНАГА ДЫСКУРСУ (на прыкладзе міжнароднай выставы «Беларусь і Біблія»)

Abstract

Аўдыягід – сучасны інструмент для папулярызацыі гісторыка-культурнай спадчыны, для працы з аўдыторыяй падчас маштабных міжнародных мерапрыемстваў, сродак міжкультурнай камунікацыі паміж музеям і турыстам. У артыкуле даследуецца паняцце «аўдыягід» як кампанент сучаснага турыстычнага дыскурсу і сродак міжкультурнай камунікацыі. Аўтар аналізуе моўныя асаблівасці аўдыягідаў на прыкладзе аднаго з самых сучасных аўдыягідаў на беларускай мове, які быў падрыхтаваны для міжнароднага мультыпраекта «Беларусь і Біблія» ў 2018 годзе.