ШЛЯХ ДА АСЭНСАВАНАГА ВЫБАРУ ПЕДАГАГИЧНАЙ ПРАФЕСІІ, АБО ГАНАРОВАЕ ІМЯ «НАСТАЎНІК»

Abstract

Многія навучэнцы педагагічных класаў і іх бацькі, выбіраючы навучанне ў педагагічным класе, зусім не маюць на ўвазе паступленне ў навучальную ўстанову педагагічнага профілю, а кіруюцца ў сваім выбары іншымі матывамі: павышаны ўзровень па прадметах, больш паспяховыя вучні ў класе, прыцягненне да шматлікіх мерапрыемстваў і спраў і г.д. Вопыт паказвае, што часта такія вучні пасля двух гадоў навучання ў педагагічным класе, “паспрабаваўшы” педагагічных проб, прымерыўшы да сябе педагагічныя ролі вырашаюць звязаць свой лёс з педагагічнай прафесіяй. А бывае і так, што навучэнцы, якія ўжо з дзявятага класа агучвалі жаданне быць настаўнікамі і мелі падтрымку сваіх бацькоў, прыходзілі да высновы, што не правільна ўяўлялі педагагічную працу і змянялі свой выбар. Наша грамадства зацікаўлена ў тым, каб любую абраную прафесію маладыя людзі выбіралі асэнсавана. Таму галоўная задача педагогаў – абудзіць імкненне да самапазнання, даць магчымасць паспрабаваць свае сілы, паказаць педагагічную прафесію з розных бакоў. Галоўнае, каб кожны знайшоў сваё прызванне. Прапануемыя заняткі ў Грэскай сярэдняй школе традыцыйна праводзяцца кожны год ў кастрычніку для навучэнцаў 10 педагагічнага класа. На заняткі запрашаюцца вучні 11 педагагічнага класа, іх класны кіраўнік і іншыя настаўнікі школы. У кастрычніку 2018 года такія заняткі былі праведзены ў межах абласнога семінара-практыкума «Педагагічныя класы: вопыт і перспектывы». У распрацоўцы прыводзяцца рэальныя адказы вучняў.