ДЭМАНСТРАЦЫЙНЫ ЭКСПЕРЫМЕНТ– ФАКТАР ПАСПЯХОВАСЦІ ЗАСВАЕННЯ ТЭАРЭТЫЧНАГА ВУЧЭБНАГА МАТЭРЫЯЛУ ПА ФІЗІЦЫ

Abstract

У артыкуле на прыкладзе шасці лекцыйных дэманстрацый з розных раздзелаў фізікі і вызначаных тэм паказана, што яны з’яўляюцца дыдактычным фактарам паспяховасці засваення тэарэтычнага матэрыялу па фізіцы. Пры гэтым апісваюцца характар дэманстрацый, прыборы і эксперыментальныя ўстаноўкі з канкрэтнымі параметрамі, методыка іх правядзення і ўплыў выніку эксперымента на шматлікія асаблівасці працэсаў навучання і вучэння.

Дэманстрацыйны эксперымент – гэта ў большасці выпадкаў праблемны дослед, эфектыўны сродак для пастаноўкі праблемных пытанняў, якія з’ўляюцца асновай развіваючага навучання. У метадычным дачыненні дэманстрацыі даюць магчымасць для студэнтаў (вучняў) назіраць фізічную з'яву ў больш рэальным вобразе, чым пры яго славесным апісанні або выкарыстанні камп'ютарных анімацый. У сувязі з гэтым, лекцыйныя дэманстрацыі, як фактар паспяховасці, з’яўляюцца рухаючай сілай працэсу навучання ў сістэме адукацыі.