РАМАННАЯ ТРЫЛОГІЯ МІКОЛЫ КУСЯНКОВА ЯК МАСТАЦКАЕ ПЕРААСЭНСАВАННЕ СЯМЕЙНАЙ САГІ

Abstract

Раманы Міколы Кусянкова «Явар з калінаю», «Арляк і зязюля», «Хмель каля вольхі» ўвасабляюць цэласны мастацкі аналіз савецкай рэчаіснасці з 50-х да 90-х гадоў мінулага стагоддзя. Творы аб’яднаны шэрагам скразных герояў, адметнай суб’ектнай арганізацыяй, адмаўленнем ад эстэтычнага прынцыпу адлюстравання падзейнасці, мэтаскіраваным зваротам да споведзі персанажа. Пісьменнік на прыкладзе адной сям’і шматгранна асэнсоўвае ўзаемадзеянне асобы і дзяржаўнай сістэмы, у чым знаходзіць філасофскі змест. Арыгінальны сінтэз прыватна-сямейнага і грамадскага дазваляе паказаць запамінальныя псіхалагічныя партрэты герояў, вызначыць вострыя экалагічныя і палітычныя праблемы.