САЦЫЯЛАГІЧНЫЯ ПАДЫХОДЫ ДА ВЫВУЧЭННЯ ЛІТАРАТУРЫ

Abstract

У артыкуле разглядаюцца сацыялагічныя падыходы да вывучэння літаратуры на розных этапах развіцця сацыялогіі. Аўтар параўноўвае падыходы даследчыкаў розных перыядаў: ад Іпаліта Тэна, Герберта Спенсера, Карла Маркса да Люс’ена Гольдмана, Георга Лукача, Ралана Барта, П’ера Бурдзье, прасочваючы змены ў вывучэнні літаратуры як сацыяльнага інстытута. У працы таксама разгля- даюцца канцэпцыі «смерці аўтара», «рэцэптыўнай эстэтыкі» і іншыя, якія займаюць важнае месца ў сацыялагічным вывучэнні літаратуры. Перш аўтар разглядае асноўныя пазіцыі аб’ектывісцкай і суб’ектывісцкай парадыгмы сацыялагічнага вывучэння літаратуры, пасля чаго пераходзіць да раз- гляду інтэгральнай парадыгмы і яе асаблівасцей. Аўтар артыкула прыходзіць да высновы, што сфера літаратуры не з’яўляецца статычнай, таксама змяняюцца формы і характар функцыянавання поля літаратуры і літаратурных інстытуцый, што ў сваю чаргу цягне і змены ў даследчым падыходзе да сацыялагічнага вывучэння літаратуры.