МАСТАЦКІ ПЕРАКЛАД НА БЕЛАРУСКУЮ МОВУ Ў ВОДГУКАХ «ПРАФЕСІЙНЫХ» ЧЫТАЧОЎ

Abstract

Артыкул прысвечаны аналізу рэцэпцыі мастацкіх перакладаў на беларускую мову беларускім «прафесійным» чытачом у форме водгукаў. Водгукі на перакладную літаратуру друкуюцца ў беларускай перыёдыцы ў выглядзе твораў літаратурна-крытычнага жанру: аглядаў, рэцэнзій, літаратурна-крытычных артыкулаў. Мастацкі пераклад – адзін з галоўных сродкаў «мастацкай камунікацыі» паміж рознымі культурамі, а таксама адзін са сродкаў узбагачэння нацыянальнай літаратуры. З сярэдзіны першага дзесяцігоддзя ХХІ ст. у Беларусі назіраецца ўздым у галіне мастацкага перакладу на беларускую мову. Творы для дзяцей і дарослых перакладаюцца з розных моў свету, як з больш распаўсюджаных (англійскай, нямецкай, польскай і інш.), так і з менш распаўсюджаных (казахскай, туркменскай, курдскай і інш.). У артыкуле аналізуюцца колькасны (колькасць заўважаных перакладаў з розных моў) і якасны (якія літаратурна-крытычныя жанры ўжываюцца, іх адметныя рысы ў дачыненні да перакладаў) бакі рэцэпцыі мастацкіх перакладаў удзельнікамі беларускага літаратурнага працэсу.