Мастацкі вобраз грамадскіх будынкаў Беларусі другой паловы 1990-х – 2000-х гадоў

Abstract

У артыкуле на аснове новага падыхода, заснаванага на комплексным аналізе стылявых, кампазіцыйных, канструкцыйных і функцыянальных характарыстык архітэктуры грамадскіх будынкаў, паказваецца дынаміка развіцця мастацкага вобраза грамадскіх будынкаў Беларусі з 1990-х гг. па сённяшні час. Выяўляюцца перадумовы фарміравання мастацкага вобраза сучасных грамадскіх будынкаў – эстэтыка неарацыяналізму і постмадэрнізму, развіццё тэхналагічнай базы, з’яўленне новых канструкцый і матэрыялаў. Робіцца выснова аб тым, што ў архітэктуры найноўшага часу адбылося станаўленне мастацка-стылявых кірункаў неамадэрнізму, дэканструктывізму, хай-тэку з дамінаваннем апошняга.