БРОВАРНАЯ ВЫТВОРЧАСЦЬ НА ТЭРЫТОРЫІ БЕЛАРУСІ (1861-1914 гг.)

Abstract

На тэрыторыі Беларусі з 1861 да 1900 гг. наглядаўся працэс скарачэння колькасці бровараў. Ён быў парушаны ў пачатку XX ст. 3 1900 да 1911 г. лік вінакураных заводаў павялічыўся на 200 адзінак. Пры гэтым неабходна мець на ўвазе, што памяншэнне колькасці бровараў адбывалася ў асноўным за кошт дробных, якія не адпавядалі прынятым заканадаўчым нормам. Нягледзячы на колькасны спад, вытворчасць спірту з канца 80-х гг. XIX ст. пераўзышла паказчыкі 1862 г. Вінакурэнне было ўзаемазвязана з сельскагаспадарчай сферай. Яно садзейнічала пераходу ад трохпольнай да шматпольнай сістэмы ў земляробстве, развіццю жывёлагадоўлі і гандлю мясапрадуктамі.