Вызначаны інтэграл

Abstract

Дапаможнік разбіты на параграфы. Нумарацыя формул захоўваецца ў межах аднаго параграфа. Пры выкладанні тэорыі асаблівая ўвага звярталася на пытанні, глыбокае разуменне якіх неабходна для паспяховага выкладання матэматыкі ў школе. Дастаткова строгае і поўнае выкладанне тэарэтычнага матэрыялу суправаджаецца вялікай колькасцю ілюстрацыйных прыкладаў. Аўтары выдання імкнуліся максімальна ўлічыць дастасоўную накіраванасць курса матэматычнага аналізу, прызначанага для студэнтаў фізічнага профілю, каб матэрыял кнігі садзейнічаў фарміраванню ведаў, уменняў і навыкаў, неабходных для дастасавання ідэй і метадаў матэматычнага аналізу ў спецыяльных дысцыплінах. Сістэматычная праца з выкарыстаннем дадзенага дапаможніка забяспечыць студэнту неабходны мінімум ведаў па раздзеле «Інтэгральнае злічэнне функцый адной зменнай» курса матэматычнага аналізу, стымулюе яго да далейшай, больш паглыбленай працы над прадметам. Курс лекцый «Вызначаны інтэграл» будзе карысным і студэнтам, якія займаюцца ў вышэйшых тэхнічных навучальных установах.