Некаторыя канцэптуальныя пытанні даследавання сацыяльных аспектаў у грамадска–палітычным жыцці Беларусі на этапе капіталізму (1861 – 1914 гг.)

Abstract

Даследуюцца сацыяльныя працэсы і грамадска–палітычнае жыццё ў беларускім краі на этапе капіталізму (1861 – 1914 гг.) Пасля падаўлення паўстання 1863–1864 гг. на тэрыторыі Паўночна–Заходняга краю дзейнічаў асобы рэжым кіравання. Яго сутнасць змяшчалася ў жорсткім кантролі з боку мясцовай адміністрацыі за дзейнасцю ўрадавых і неўрадавых органаў і аб’яднанняў, а таксама фізічных асоб. Пры вывучэнні грамадска–палітычнага жыцця ў краі неабходна вызначаць прыхільнікаў рэжыму, яго праціўнікаў, і тых, хто прытрымліваўся нетралітэту. Гэта дазваляе раскрыць прычыны выкарыстання ўладамі адміністратыўнага рэсурсу для абмежавання грамадска–палітычнага жыцця ў краі, высвятліць, на якіх падставах захоўвалася мясцовае самакіраванне і іншыя элементы грамадзянскай супольнасці, што дазваляе на навуковай аснове паказаць як яго дасягненні, так і невыкарыстаныя магчымасці.