Аграрнае пытанне ў грамадска-палітычным жыцці Беларусі (1894—1906 гг.)

Abstract

Даследаванне грамадска-палітычнага жыцця ў Беларусі на мяжы ХІХ—ХХ стст. у кантэксце яго ўзаемасувязі з аграрным пытаннем, на той перыяд галоўным і для лёсу самадзяржаў’я, і для гістарычнага развіцця ўвогуле, у тэарэтычным плане забяспечвае навуковае тлумачэнне неабходнасці актыўнага ўдзелу ў вырашэнні кардынальных пытанняў сацыяльна-эканамічнага і палітычнага развіцця грамадства як урадавых органаў усіх узроўняў, так і шырокай грамадскасці, уключаючы тыя пласты насельніцтва, якія непасрэдна ў гэтым зацікаўлены. Навуковая распрацоўка дадзенай тэмы дае адказ на пытанне, чаму грамадскасць Беларусі, яе сялянскія масы не змаглі паўплываць на ўрад з мэтай распрацоўкі ўзаемапрымальнага варыянта правядзення наспелай аграрнай рэформы, здольнай забяспечыць выйсце сельскай гаспадаркі краю з крызіснага стану.