Супярэчнасці працэсу глабалізацыі і фарміраванне ідэалогіі сучаснага альтэрглабалізму

Abstract

Актуальнасць даследавання вызначаецца радыкальнымі зменамі ў развіцці сучаснага грамадства, якія звязаны з паняццем «глабалізацыя». Відавочна, што працэс глабалізацыі неадназначны і мае выразныя негатыўныя наступствы, што патрабуе філасофскага асэнсавання існуючых сацыяльных працэсаў і выпрацоўкі альтэрнатыўнай сацыяльнай парадыгмы. Працэс вяртання ідэалогіі неалібералізму ў канцы 70 – пачатку 80-х гг. XX ст. па часе супадае з пачаткам глабалізацыі. Крызіс сучаснай глабалізацыі вызначае і крызіс яе ідэалогіі: свабодны рынак не знішчыў беднасці, а павялічыў яе, узмацніў сацыяльную напружанасць. Аднак глабалізацыя стварыла перадумовы для фарміравання новага грамадства, заснаванага на ведах, творчай дзейнасці, гарманічным існаванні чалавека і біясферы. Няздольнасць пануючага кірунку сучаснай глабалізацыі вырашыць глабальныя праблемы чалавецтва стала перадумовай фарміравання альтэрглабалізму – руху за сацыяльную глабалізацыю. Ідэалагічная аснова альтэрглабалізму – левыя палітычныя вучэнні як альтэрнатыва позняму капіталізму. Бібліягр. – 15 назваў.