Аграрна-сялянскія праблемы ў праграмах і дзейнасці партый і грамадскіх рухаў правага кірунку ў Беларусі падчас першай расійскай рэвалюцыі

Abstract

Даследуюцца праблемы ўдзелу партый чарнасоценна-нацыяналістычнага кірунку у Беларусі падчас Першай расійскай рэвалюцыі. Тактыка правых, іх лозунгі былі разлічаны ў першую чаргу на людзей з невысокім узроўнем адукаціі і палітычнай культуры. У гэтым яны мала адрозніваліся ад левых экстрэмістаў. Эмацыянальна насычаныя формулы: «Россия для русских!», «За Веру, Царя и Отечество!», з якімі правыя звярталіся да народа, дзейнічалі бездакорна. Усё, што было ўласціва для аграрных праграм вядучых палітычных партый Расіі, знаходзіла праламленне і ў дзейнасці іх мясцовых арганізацый. Як у краіне ў цэлым, так і ў Беларусі, правыя імкнуліся не да вырашэння аграрнага пытання, а да яго палітызацыі. Правыя партыі выкарыстоўвалі аграрнае пытанне толькі ў якасці палітычнага інструмента, пры гэтым мелі на мэце захаванне расійскага самадзяржаўя і існуючага ладу жыцця.