Тэарэтычнае асэнсаванне праблемы стэрэатыпа ў лінгвістыцы

Abstract

У артыкуле звернута ўвага на міждысцыплінарны характар паняцця стэрэатып. Міждысцыплінарнасць гэтай з’явы спараджае пэўнае змешванне паняццяў стэрэатып і канцэпт, што перашкаджае дакладна акрэсліць аб’ект даследавання, таму ў лінгвістыцы на сённяшні дзень выпрацаваны тэарэтычныя асновы іх размежавання. Атрымаўшы сваё развіццё на базе сацыялогіі і сацыяльнай псіхалогіі, стэрэатып стаў прадметам вывучэння тэорыі камунікацыі, псіхалогіі, этнаграфіі, філасофіі, культуралогіі і гісторыі, аднак доўгі час лінгвісты не праяўлялі цікавасці да разглядаемага паняцця. У выніку стэрэатып як аб’ект лінгвістыкі аформіўся адносна нядаўна. Лінгвістычная тэорыя стэрэатыпа заснавана на выкарыстанні фармальнага і семантычнага падыходаў даследавання, пры гэтым акрэслены экстралінгвістычныя і ўласналінгвістычныя паказчыкі стэрэатыпізацыі: нацыянальныя традыцыі, звычаі, рысы нацыянальнага характару, а таксама моўныя адзінкі – словы, фразеалагізмы, сінтаксічныя канструкцыі і г. д., якія ўтрымліваюць разнастайную канатацыйную афарбоўку. Бібліягр. – 12 назваў.