Лексіка з тэрміналагічным значэннем у “Слоўніку беларускай мовы” І.І. Насовіча

Abstract

У артыкуле даследуецца тэрміналагічная лексіка ў “Слоўніку беларускай мовы” І.І. Насовіча. Аўтарам дакладна вылучаны і падрабязна ахарактарызаваны асноўныя тэматычныя групы спецыяльнай лексікі “Слоўніка беларускай мовы”: гандлёва-эканамічная, грамадска-палітычная, медыцынская, прававая, прамысловая, прыродазнаўчая, сельскагаспадарчая. Акрэслены спосабы лексікаграфічнай апрацоўкі тэрмінаў. Праведзены параўнальны аналіз з перакладнымі тэрміналагічнымі слоўнікамі 1920 − 2000-х гг. з мэтай адлюстравання пераемнасці ў працэсе тэрміналагічнай намінацыі на працягу стагоддзяў.