Камп’ютарныя анімацыі – сродак павышэння эфектыўнасці працэсу вывучэння фізікі

Abstract

У артыкуле разглядаецца магчымасць стварэння камп'ютарных анімацый, якія з'яўляюцца адным з эфектыўных дыдактычных сродкаў павышэння якасці працэсу навучання фізіцы. Гаворыцца аб тым, што анімацыі на ўроках ці лекцыях ствараюць эмацыйны фон, які садзейнічае паспяховаму засваенню тэарэтычнага матэрыялу і праяўленню творчага падыходу пры практычным яго выкарыстанні. Анімацыі, як сродак навучання, носяць ілюстрацыйны характар і спрыяюць стварэнню фізічных уяўленняў, узбуджаюць і падтрымліваюць у вучняў (студэнтаў) цікавасць да вывучэння фізікі. На сучасны момант анімацый па фізічных з’явах, іх праяўленні ў прыродзе і практычным выкарыстанні законаў фізікі існуе вялікая колькасць і яны даступны кожнаму выкладчыку. Але найбольш эфектыўнымі з’яўляюцца анімацыі, якія ствараюцца настаўнікамі (выкладчыкамі) па вызначаных тэмах да адпаведнага урока (лекцыі).