Загадкi як спосаб фармiравання маўленча-камунiкатыўнай кампетэнцыi ў навучэнцаў 1–4 класаў з выкарыстаннем тэхналогii «Сусветнае кафэ»

Abstract

Загадка – гэта кароткае пытанне на кемлівасць, прадстаўленае ў алегарычнай форме, пра апісанне прадметаў, з’яў i зададзенае часцей за ўсё ў забаўляльным ключы. Тэхналогія «Сусветнае кафэ» з’яўляецца альтэрнатыўнай традыцыйнаму навучанню малодшых школьнікаў; дае магчымасць актывізаваць пазнавальную дзейнасць кожнага навучэнца ў адукацыйным працэсе. «Сусветная кафэ» (the World Cafe) – гэта спосаб групавога абмеркавання ў натуральнай і расслабленай абстаноўцы. Мэтай выкарыстання на ўроках тэхналогіі «Сусветнага кафэ» з’яўляецца стварэнне магчымасці для зносін навучэнцаў 1–4 класаў па пэўнай праблеме, вывучанай тэме або раздзелу праграмы, для развіцця іх маўленча-камунікатыўнай кампетэнцыi. Задача ўдзельнікаў «Сусветнага кафэ» – паўтарыць, замацаваць, абагульніць вывучаны матэрыял, сабраць па магчымасці максімальны аб’ём інфармацыі: уражанняў, меркаванняў і ацэнак па пэўнай праблеме. Дадзеная тэхналогія з’яўляецца эфектыўнай на ўроках абагульнення і сістэматызацыі ведаў. Выкарыстанне на ўроках тэхналогіі «Сусветнае кафэ» дазваляе: павышаць матывацыю ўсіх навучэнцаў 1–4 класаў да ўдзелу ў вучэбнай дзейнасці; зацікавiць навучэнцаў класа калектыўнай групавой працай; ствараць умовы для развіцця ўсіх навучэнцаў класа, у тым ліку навучэнцаў з сярэднім і нізкім ўзроўнямі матывацыі; з дапамогай калектыўных формаў навучальнага ўзаемадзеяння дасягнуць больш эфектыўнага і актыўнага працэсу навучання беларускай мове;фарміраваць маўленча-камунікатыўную кампетэнцыю; выкарыстоўваць беларускую мову як сродак зносін; атрымаць канкрэтныя практычныя вынікі навучання за кароткі перыяд часу; фарміраваць у навучэнцаў уменне працаваць у групе; атрымліваць задавальненне ад праведзенай сумеснай працы; прыносіць кожнаму з навучэнцаў радасць дасягнення пастаўленай мэты; матываваць на паспяховы працяг вывучэння загадак.