Ад медыяграматнасці да медыятворчасці: фарміраванне ў навучэнцаў навыкаў работы з медыятэкстам

Abstract

У навуковай супольнасці справядліва зацвердзілася меркаванне, што ў інфармацыйным соцыуме, які так імкліва развіваецца, медыяадукацыя ў цэлым, а медыяграматнасць у прыватнасці, выйшлі на новыя прыярытэтныя пазіцыі. Тыя вучні, якія ствараюць уласныя творчыя медыяпраекты, валодаюць большай аб’ектыўнасцю пры інтэрпрэтацыі і ацэньванні медыйных паведамленняў, маюць крытычнае стаўленне да ўмоўнасцей і прадузятых меркаванняў у інфармацыйнай медыяпрасторы. Навучэнцы ў залежнасці ад узросту ўсё больш упэўнена выкарыстоўваюць у сваім жыцці розныя жанры медыятэкстаў. Рэалізацыя герменеўтычнага аналізу медыятэкстаў з’яўляецца найбольш актуальным спосабам вывучэння тэксту ва ўмовах трансфармацыйных працэсаў, звязаных з сацыякультурнымі і ідэалагічнымі зменамі ў грамадстве. У сувязі з гэтым прапануем разгледзець некаторыя спосабы фарміравання медыякампетэнтнасці навучэнцаў, заснаваныя на развіцці крытычных адносін да медыяпрадуктаў.