ПРАБЛЕМА ЭТНАКУЛЬТУРНАЙ ІДЭНТЫФІКАЦЫІ БЕЛАРУСКАГА НАРОДА Ў ТВОРЧАЙ СПАДЧЫНЕ ВАЦЛАВА ЛАСТОЎСКАГА

Abstract

У артыкуле даследуецца праблема этнакультурнай ідэнтыфікацыі беларусаў у творчай спадчыне Вацлава Ластоўскага, якая стала асновай яго «крыўскай» канцэпцыі нацыянальна-культурнага адраджэння Беларусі на пачатку XX ст. Акцэнтуецца ўвага на гістарычнай і культурнай памяці белару- скага народа, якія з’яўляюцца дамінантамі нацыянальнага самавызначэння. У артыкуле сцвярджаецца, што ў публіцыстычнай, літаратурнай і навуковай дзейнасці В. Ластоўскага сістэмна абгрунтоўваецца самабытнасць беларускай нацыі ў поўным комплексе яе гістарычнага быцця – этнічным, культурным і грамадска-палітычным. У цэнтры ўвагі мысліцеля-адраджэнца была праблема назвы беларускага народа і яго дзяржавы, якая разглядаецца ў гістарычнай рэтраспектыве. Менавіта яе В. Ластоўскі лічыў галоўным фактарам этнакультурнай ідэнтычнасці. Сцвярджаў, што крыніцай этнічнай і моўнай своеасаблівасці з’яўляецца народная культура.