Арганізацыя патрыятычнага выхавання ў манаскіх навучальных установах на беларускіх землях у XVI – сярэдзіне XVІII ст.

Abstract

Артыкул прысвечаны нераспрацаванай у гістарыяграфіі праблеме эвалюцыі патрыятычнага выхавання ў манаскіх навучальных установах на беларускіх землях у XVІ – сярэдзіне XVІII ст. Вызначаны прычыны першапачатковага негатыўнага стаўлення да яго і фактары паспрыяўшыя пачатку размывання «хрысціянскага касмапалітызму» з адпаведнай карэкцыяй зместу вучэбных праграм ордэнскіх школ. Паказаны асноўныя праявы прысутнасці элементаў патрыятычнага выхавання ў езуіцкай педагогіцы. Адзначаны напрамкі мадэрнізацыі вучэбна-выхаваўчага працэсу ў езуітаў і піяраў у XVІII ст. Асобная ўвага аўтара была скіравана на вывучэнне праблемы прыдання такім прадметам, як гісторыя, мараль, права і рыторыка патрыятычна-грамадзянскага характару. Напрыканцы артыкула разгледжана пытанне наяўнасці беларускай састаўляючай «ліцвінскай» самасвядомасці ў тагачаснай манаскай адукацыі. Бібліягр. – 25 назваў.