БЕЛАРУСКІЯ І АНГЛІЙСКІЯ ПРЫМЕТНІКІ, ЯКІЯ АДНОСЯЦЦА ДА МЕТАЛАЎ, ДРЭЎ, РАСЛІН, ЖЫВЁЛЬНАГА СВЕТУ

Abstract

Ментальны кантынуум другасных ад’ектыўных намінацый ствараюць пераносныя ЛСВ розных тэматычных груп, якія ўжываюцца для выражэння інтэлектуальных здольнасцей, глыбіні свядомасці, творчых установак чалавека. Усе яны выяўляюць разнастайныя і ўстойлівыя асацыяцыі і ўключаюцца ў агульную мадэль семантычнай дэрывацыі, дзе ў якасці крыніцы матывацыі выступаюць найменні жывёл, металаў, дрэў, раслін і інш., а ў якасці сферы-рэцыпіента – найменні чалавека і яго інтэлектуальных сутнасцей, ментальных прымет, з’яў, уласцівасцей, характарыстак.