ЛОЗУНГАВАСЦЬ У НАЗВАХ БЕЛАРУСКІХ ПЕРЫЯДЫЧНЫХ ВЫДАННЯЎ

Abstract

Змены ў грамадстве заўсёды знаходзяць свой адбітак у развіцці мовы: з’яўляецца новая лексіка, знікае старая, утвараюцца новыя ўстойлівыя выразы. Уплыў савецкага перыяду на беларускую анамастыку асабліва відавочны, паколькі ён адчуваецца і зараз: у Беларусі практычна не знойдзеш горада без вуліцы Савецкай, па зефір мы заходзім у “Чырвоны харчавік”, а навіны Ганцавіччыны можна прачытаць у газеце “Савецкае Палессе”. Важнай асаблівасцю савецкай эпохі было ўкараненне разнастайных форм ідэалагічнага маніпулявання ў розныя сацыяльныя сферы, якое ажыццяўлялася, у тым ліку, праз выкарыстанне лозунгаў. Часам лозунгі ўжываліся ў якасці назваў перыядычных выданняў (прэсонімаў). Так, розныя гады савецкай эпохі існавалі 1553 назвы перыядычных выданняў, 17 % з якіх (270 адзінак) мелі прыкметы лозунгавасці.