ЛІТАРАТУРА Ў БАРАЦЬБЕ ЗА ЗАХАВАННЕ ЧАЛАВЕЧАЙ ГОДНАСЦІ І НАЦЫЯНАЛЬНАЙ ПРЫНАЛЕЖНАСЦІ БЕЛАРУСА (на прыкладзе зборніка «Гэй, смалі, страляй, маланка!» Сатыра і гумар Заходняй Беларусі 1920 – 1939 гг.)

Abstract

У рабоце аналізуецца карэспандэнцыя жыхароў Заходняй Беларусі ў часопісы «Авадзень», «Маланка», «Асва», якая сабрана ў зборніку «Гэй, смалі, страляй, маланка!». Тут змешчаны 143 допісы, аднак толькі 6 маюць дакладныя адрасы, 98 матэрыялаў – ананімныя і ўсяго 45 аўтарскіх. Карэспандэнтаў хвалявалі грамадска-палітычныя і сацыяльна-бытавыя тэмы. Даследчыца канстатуе, што насельніцтва не прымала падзел Беларусі і праз увесь час акупацыі вяло барацьбу за свае правы, за вызваленне. Надзейным памочнікам у гэтай барацьбе стала сатыра.