МАТЫЎ «ВІДУШЧЫЯ - НЕВІДУШЧЫЯ» I ЯГО МАСТАЦКАЯ РЭАЛІЗАЦЫЯ Ў ТВОРЧАСЦІ ЯНКІ КУПАЛЫ I ПРАДСТАЎНІКОЎ ФІЛАЛАГІЧНАГА ПАКАЛЕННЯ

Abstract

Праблема «відушчасць — невідушчасць» з разраду агульначалавечых, вечных. Яе значнасць абумоўлена заўсёдным жаданнем чалавецтва глыбей спазнаць сябе ў атачэнні прыроды як свядо- мую часцінку Сусвету. Паступова ўзнімаючыся ад няведання з'яў да іх адноснага разумення, людзі рухаліся да сучаснай ступені цывілізацыі — навуковай, культурнай, літаратурна-эстэтычнай. Залежны ад року, «пясчынка ў сусвеце» (формула Ламаносава і паэтаў-радзішчаўцаў), чалавек паступова ператвараўся ў «рэгуліроўшчыка каруселі» жыцця (А. Куляшоў). Падобны працэс і за- натавала літаратура народаў свету. I найперш — праз раскрыццё праблемы, вынесенай намі ў назву артыкула.