АД ТЭКСТУ ДА КАНТЭКСТУ

Abstract

Апошнія гады сталі асабліва прадукцыйнымі ў развіцці айчыннай гуманітарнай навукі і, у прыватнасці, у навуковай дзейнасці даследчыкаў літаратуры з Нацыянальнай акадэміі навук Беларусі, якія выдалі не адну цікавую манаграфію, прысвечаную асэнсаванню актуальных праблем беларускага літаратуразнаўства. Але сярод усіх кніг пачэснае і ганаровае месца займае калектыўная манаграфія "Паэтыка літаратурных сувязей", створаная пад навуковым кіраўніцтвам вядомых у рэспубліцы і за яе межамі даследчыкаў слоўнага мастацтва - акадэміка, доктара філалагічных навук Уладзіміра Васільевіча Гніламедаваі кандыдата філалагічных навук, загадчыка аддзела ўзаемасувязей літаратур Інстытута літаратуразнаўства імя Янкі Купалы Мікалая Уладзіміравіча Мікуліча.