АЦЭНАЧНЫЯ НАЙМЕННІ АСОБЫ ПАВОДЛЕ АСАБЛІВАСЦЕЙ ЗНЕШНЯГА ВЫГЛЯДУ (НА МАТЭРЫЯЛЕ «СЛОЎНІКА ГРОДЗЕНСКАЙ ВОБЛАСЦІ» Т. СЦЯШКОВІЧ, 2018)

Abstract

У артыкуле разглядаюцца ацэначныя характарыстычныя найменні асобы паводле асаблівасцей знешняга выгляду. Крыніцай фактычнага матэрыялу для артыкула паслужыў «Слоўнік Гродзенскай вобласці» Т. Сцяшковіч, выдадзены ў 2018 годзе. Вялікай каштоўнасцю дадзенага лексікаграфічнага выдання з’яўляецца дакладнае адлюстраванне мясцовага маўлення жыхароў Гродзеншчыны на ўсіх узроўнях дыялектнай мовы, а таксама змешчаны ў ім вялікі пласт лексікі са значэннем суб’ектыўнай ацэнкі, якая выступае спецыфічным маркерам менталітэту беларусаў і іх адносінаў да эталонаў, прынятых у грамадстве, што яскрава праяўляецца пры аналізе семантычнага аспекту беларускай дыялектнай лексікі з канатацыйным значэннем.