ІНКАРПАРАВАНЫЯ ТЛУМАЧАЛЬНЫЯ СЛОЎНІКІ Ў БЕЛАРУСКАЙ ЛІНГВІСТЫЧНАЙ ТЭРМІНАГРАФІІ

Abstract

У артыкуле абгрунтоўваецца тэзіс, што на працягу значнай часткі ХХ–ХХІ стагоддзяў беларуская лінгвістычная тэрмінаграфія развівалася ў непасрэднай сувязі з іншымі галінамі тэрмінаграфіі пад істотным уплывам канкрэтных сацыяльна-палітычных абставін. Пры вывучэнні інкарпараваных слоўнікаў улічваюцца наступныя лексікаграфічныя параметры: аб’ём рэестра, функцыянальны тып, тып мікраструктуры.

Зроблена выснова, што тлумачальныя інкарпараваныя слоўнікі лінгвістычных тэрмінаў з’яўляюцца дастаткова важным сегментам беларускай тэрмінаграфіі. Ва ўмовах, калі тэрмінаграфія прэтэндуе на статус самастойнай лінгвістычнай дысцыпліны, якая аб’ядноўвае дасягненні лексікаграфіі, тэрміналогіі і лексікалогіі, асэнсаванне асаблівасцей укладання інкарпараваных слоўнікаў з’яўляецца істотным для ўсведамлення агульнай гісторыі тэрмінаграфіі і станаўлення яе тэорыі.