КАТЭГОРЫЯ РЭТРАСПЕКЦЫІ Ў МАСТАЦКІМ ТЭКСЦЕ: ЛЕКСІЧНЫЯ СРОДКІ ВЫРАЖЭННЯ

Abstract

У артыкуле прааналізаваны навуковыя працы, прысвечаныя вывучэнню катэгорыі рэтраспекцыі ў мовазнаўстве (І. В. Ціўяевай, Н. В. Брусковай, Л. Н. Фёдаравай і інш.), прадстаўлена класіфікацыя кірункаў даследавання названай з’явы ў лінгвістыцы. Артыкул прысвечаны вызначэнню лексічных сродкаў рэалізацыі катэгорыі рэтраспекцыі ў мастацкім тэксце. Выяўлены і сістэматызаваны асноўныя спосабы ўвядзення дадзенай формы дыскантынуума ў сюжетны час: фактар матывацыі, уласна аўтарскія словы-паказальнікі. Прадстаўлены імпліцытныя (лексічны паўтор) і экспліцытныя (акалічнасныя часавыя маркеры, словы рэтраспектыўнай семантыкі, антрапонімы) лексічныя адзінкі, якія прама або ўскосна паказваюць на змену ў часавым напрамку.