РАЗВІЦЦЕ БЕЛАРУСКАГА МАЎЛЕННЯ ДЗЯЦЕЙ ДАШКОЛЬНАГА ЎЗРОСТУ

Abstract

«Развіццё беларускага маўлення дзяцей дашкольнага ўзросту» – вучэбная дысцыпліна, якая змяшчае сістэматызаваныя навуковыя веды пра развіццѐ маўлення і беларускамоўных зносін дзяцей дашкольнага ўзросту ва ўмовах блізкароднаснага білінгвізму. Вучэбна-метадычны комплекс (ВМК) па вучэбнай дысцыпліне «Развіццѐ беларускага маўлення дзяцей дашкольнага ўзросту» распрацаваны ў адпаведнасці з Дзяржаўным стандартам па спецыяльнасці 1-010101 «Дашкольная адукацыя» і вучэбнай праграмай для ўстаноў вышэйшай адукацыі. Прызначэнне вучэбна-метадычнага комплексу – авалоданне студэнтаў кампетэнцыямі па методыцы развіцця беларускага маўлення дзяцей дашкольнага ўзросту. Навукова-тэарэтычныя палажэнні вучэбна-метадычнага комплексу грунтуюцца на лепшых дасягненнях методыкі развіцця беларускага маўлення дзяцей. Да іх адносіцца: метадычная спадчына лепшых педагогаў Беларусі (Я.Колас, М. Багдановіч, У. Луцэвіч інш.), сучасныя метадычныя даследаванні (А. Р. Андрэева, Н.С. Старжынская і інш.). У дадзеным вучэбна-метадычным комплексе адлюстроўваецца як змястоўны аспект вучэбнай дысцыпліны «Развіццѐ беларускага маўлення дзяцей дашкольнага ўзросту», так і працэсуальны бок яе вывучэння ў выглядзе адзінства лекцыйных, семінарскіх, практычных заняткаў.