Гукавыя ад’ектыўныя намінацыі ў беларускай мове

Abstract

Разглядаюцца другасныя ад’ектыўныя намінацыі, якія ўспрымаюцца праз візуальныя, тактыльныя, сэнсарна-смакавыя і іншыя каналы апрацоўкі інфармацыі і ўтвараюцца ад параметрычных, густаторных, кансістэнтных, тэмпературных, вагавых, болевых, узроставых прыметнікаў, а таксама прыметнікаў са значэннем металаў, матэрыялаў, рэчываў, пэўных рухаў і спосабаў перамяшчэння ў прасторы. Адзначаецца, што ад’ектыўныя намінацыі ў пэўнай ступені адлюстроўваюць спосаб мыслення чалавека, яго ўнутраны эмацыянальны стан, паводзіны, учынкі, адносіны да іншых людзей і інш.