ПЕРАДАЧА ФРАНЦУЗСКІХ НАСАВЫХ ГАЛОСНЫХ [α̃] і [ɔ̃] ПРЫ ПРАКТЫЧНАЙ ТРАНСКРЫПЦЫІ НА БЕЛАРУСКУЮ МОВУ БЕЗЭКВІВАЛЕНТНЫХ УЛАСНЫХ ІМЁН

Abstract

У артыкуле разглядаюцца магчымасці перадачы французскіх насавых галосных [α̃] і [ɔ̃] пры практычнай транскрыпцыі на беларускую мову безэквівалентных уласных імён. Апазіцыя [α]̃ і [ɔ̃] пры іх адлюстраванні сродкамі беларускага алфавіта, як правіла, нейтралізуецца ў ненаціскных складах. Пад націскам супрацьпастаўленне захоўваецца. Пры гэтым і ў націскных, і ў ненаціскных складах назіраецца моцная тэндэнцыя да транслітарацыйнага адлюстравання арфаграфічных паказчыкаў назальнасці – літар n або m: n рэгулярна адпавядае беларускае н, а m перад [b] або [p] – м. Неаднастайнай застаецца перадача літары m як паказчыка назальнасці фанем [α̃] і [ɔ̃] у становішчы перад іншымі зычнымі і на канцы слова, што тлумачыцца ў першую чаргу супярэчлівым уплывам не да канца ўнармаванай рускай практыкі транскрыбіравання французскіх уласных імён.