СТРАТЭГІЯ ФАРМІРАВАННЯ МАЎЛЕНЧАЙ КУЛЬТУРЫ БІЛІНГВАЛЬНАЙ АСОБЫ ВУЧНЯЎ ПАЧАТКОВЫХ КЛАСАЎ

Abstract

Артыкул прысвечаны праблеме фарміравання маўленчай культуры білінгвальнай асобы навучэнца пачатковых класаў. У ім сцвярджаецца думка пра залежнасць поспеху выхавання маўленчай культуры білінгвальнай асобы ад стратэгіі моўнай адукацыі. Абгрунтоўваецца неабходнасць спецыяльнай працы па развіцці культуры беларускага маўлення білінгвальнай асобы, для якой характэрны паслядоўны незбалансаваны білінгвізм з дамінаваннем рускай мовы. Звяртаецца ўвага на адлюстраванне ў стратэгічнай мэце моўнай адукацыі (вучэбны прадмет «Беларуская мова») важных арыенціраў выхавання маўленчай культуры навучэнца. Паказваецца ўзаемасувязь дасягнення мэты моўнай адукацыі з фарміраваннем у навучэнцаў моўнай, маўленча-камунікатыўнай, сацыякультурнай і лінгвакультуралагічнай кампетэнцый. Раскрываецца змест кожнай кампетэнцыі. Апісваюцца стратэгіі авалодання і карыстання мовай, стратэгіі і тактыкі маўленчых паводзін, якія неабходна сфарміраваць у навучэнцаў пачатковых класаў у працэсе моўнай адукацыі. Акрэсліваецца кола даступных узросту лінгвакультурэм, засваенне якіх паспрыяе лінгвакультурнаму развіццю навучэнцаў пачатковых класаў. Указваецца на неабходнасць выкарыстання сістэмы вучэбна-практычных задач у працы па развіцці культуры беларускага маўлення білінгвальнай асобы.