СТУДЭНЦКІЯ КАРПАРАЦЫІ ВІЛЕНСКАГА ЎНІВЕРСІТЭТА І МАЛАДЗЁЖНАЯ ПАЛІТЫКА ПОЛЬСКІХ УЛАД У 1920–1930-я гг.

Abstract

Артыкул прысвечаны развіццю студэнцкага руху на тэрыторыі Віленскага ўніверсітэта імя Стэфана Баторыя ў міжваенны перыяд. Адной з распаўсюджаных форм ідэйна-выхаваўчых аб’яднанняў студэнцкай моладзі з’яўляліся студэнцкія карпарацыі. Яны былі шырока прадстаўлены ў Віленскім універсітэце. Найбольш уплывовыя з іх былі цесна звязаны з польскімі нацыяналістычнымі коламі і знаходзіліся ў правай апазіцыі да «санацыйнага» рэжыму. Адначасова існаваў шэраг праўрадавых карпарацый, а таксама карпарацый, якія прадстаўлялі нацыянальныя меншасці міжваеннай польскай дзяржавы. Польскія ўлады пры правядзенні сваёй маладзёжнай палітыкі былі вымушаны ўлічваць факт дамінавання сваіх праціўнікаў сярод студэнтаў-карпарантаў. У барацьбе з польскімі нацыяналістамі яны спрабавалі абапірацца на «свае», праўрадавыя карпарацыі. Адначасова была зроблена спроба змяніць сітуацыю праз абмежаванне акадэмічнай аўтаноміі. Аднак ліквідаваць уплыў польскіх нацыяналістычных карпарацый сярод віленскіх студэнтаў улады не здолелі.