АДНОСІНЫ РЭЧЫ ПАСПАЛІТАЙ СА ШВЕЦЫЯЙ У 1611–1617 ГГ.

Abstract

У артыкуле разглядаюцца адносіны паміж Рэччу Паспалітай і Шведскім Каралеўствам у 1611–1617 гг. У гэты час паміж дзяржавамі не было вайны, паколькі дзейнічала перамір’е. Асаблівая ўвага ўдзяляецца палітычнай пазіцыі Вялікага Княства Літоўскага. На аснове крыніц паказана негатыўнае ўспрыняцце шляхтай Княства ідэі вайны са Швецыяй. Прадстаўнікі Вялікага Княства Літоўскага раілі свайму манарху адмовіцца ад прэтэнзій і завяршыць канфлікт са Шведскім Каралеўствам шляхам падпісання мірнага дагавора. Дадзеная пазіцыя тлумачыцца клопатам аб бяспецы Княства і Рэчы Паспалітай, а канфлікт са Швецыяй разглядаўся шляхтай Княства як задавальненне асабістых амбіцый манарха.