РОЛЯ МЯСЦОВЫХ ОРГАНАЎ ДЗЯРЖАЎНАГА КІРАВАННЯ Ў ВЫРАШЭННІ ПРАБЛЕМЫ СЕРВІТУТУ НА ТЭРЫТОРЫІ БЕЛАРУСІ (ДРУГАЯ ПАЛОВА ХІХ – ПАЧАТАК ХХ СТ.)

Abstract

У артыкуле на падставе выкарыстання шырокага кола крыніц раскрыта роля мясцовых органаў дзяржаўнага кіравання ў вырашэнні праблемы сервітуту на тэрыторыі Беларусі ў другой палове ХІХ – пачатку ХХ ст. Устаноўлена, што сервітутнае права стрымлівала развіццё капіталістычных адносін, выкарыстанне новых тэхналогій у аграрным сектары эканомікі і наносіла значную эканамічную шкоду памешчыцкай гаспадарцы. Адной з прычын такога становішча было недакладнае вызначэнне ў выкупных дакументах 60-х гг. ХІХ ст. плошчы і межаў сервітутных угоддзяў міравымі пасрэднікамі і паверачнымі камісіямі. Маёнткавае дваранства імкнулася ліквідаваць сервітуты, але вырашэнне пытання мясцовымі ўстановамі часта стрымлівалася адмовай сялян. Шматлікія праекты і прапановы мясцовых органаў заканадаўчага вырашэння праблемы так і не былі рэалізаваны ўрадам.