МУЗЕЙ ЯК ЭЛЕМЕНТ ВІРТУАЛЬНАЙ КУЛЬТУРНАЙ ПРАСТОРЫ: ДА ПЫТАННЯ СТАНАЎЛЕННЯ І РАЗВІЦЦЯ

Abstract

Сучаснае бачанне музея як сацыякультурнага інстытута, а таксама бачанне яго функцый і форм у значнай ступені звязана з развіццём інфармацыйна-камунікатыўных тэхналогій і глабальнай сеткі. Віртуальная прастора становіцца адначасова і сродкам для ажыццяўлення і ўдасканалення традыцыйных кірункаў дзейнасці музеяў, і прасторай існавання віртуальных філіялаў, і крыніцай новых ідэй, магчымасцей, патрабаванняў да музеяў і новых форм іх дзейнасці. У тым ліку такой формы, як віртуальны музей, што не абавязкова звязаны з пэўнымі будынкамі і фізічнымі лакацыямі. Зразумела, беларускія музеі таксама не застаюцца ў баку ад сусветных тэндэнцый, і на сённяшні дзень можна выразна назіраць працэс станаўлення і развіцця беларускіх музейных рэсурсаў і ўключэння музеяў у глабальную віртуальную прастору.