ЭПІГРАФ У БАЛАДАХ ВІКТАРА ШНІПА

Abstract

У артыкуле разгледжана спецыфіка ўжывання эпіграфа ў паэзіі В. Шніпа (на прыкладзе балад), што дазволіла выявіць інтэртэкстуальнасць і паратэкстуальнасць як два асноўныя тыпы ўзаемадзеяння паміж баладамі В. Шніпа і тэкстамі беларускіх паэтаў. Эпіграф – асноўны від цытавання ў баладах В. Шніпа. Крыніцай інтэртэкстэм у гэтых вершах паэта стала мастацкая літаратура, пераважна паэзія. Ужытыя адзінкі інтэртэксту – сродкі выражэння міжтэкставых сувязяў, якія адлюстроўваюць зварот да культурных і гістарычных каштоўнасцей. Асноўная функцыя эпіграфа ў баладах В. Шніпа – інфарматыўная: эпіграф задае тэму, якую працягвае тэкст балады, акрэслівае яго ідэю, фармулюе галоўную думку. Акрамя таго, інтэртэкстэма ў баладах паэта дазваляе раскрыць праблему твора, актывізаваць чытацкую думку, яна выклікае пэўныя асацыяцыі і вызначаецца лаканічнасцю, ёмістасцю, афарыстычнасцю.