МАЛАДЗЁЖНЫЯ ПРАЎРАДАВЫЯ АРГАНІЗАЦЫІ І АБ’ЯДНАННІ Ў ЗАХОДНЯЙ БЕЛАРУСІ (1921–1939 гг.)

Abstract

Артыкул прысвечаны развіццю праўрадавага маладзёжнага руху ў Заходняй Беларусі ў міжваенны перыяд. У 1920–1930-х гг. на тэрыторыі заходнебеларускіх ваяводстваў міжваеннай польскай дзяржавы быў створаны і дзейнічаў шэраг маладзёжных арганізацый, якія былі цесна звязаны з кіруючым «санацыйным» рэжымам: Стралецкі саюз, Саюз сельскай моладзі, Саюз маладой вёскі, Саюз польскай дэмакратычнай моладзі, Саюз польскага харцарства, Арганізацыя працуючай моладзі і інш. Усе яны актыўна ўдзельнічалі ў рэалізацыі афіцыйнай маладзёжнай палітыкі. Аднак эфектыўнасці працы ў маладзёжным асяроддзі перашкаджалі даволі складаныя адносіны паміж некаторымі з гэтых арганізацый. Галоўнай крыніцай напружанасці з’яўлялася канкурэнцыя на глебе прыцягнення новых членаў. Польскія ўлады імкнуліся ліквідаваць унутраныя антаганізмы. Гэта дасягалася праз уніфікацыю арганізацый вясковай моладзі, а таксама наладжванне цеснага супрацоўніцтва праўрадавых аб’яднанняў пры адначасовым захаванні іх арганізацыйнай самастойнасці.