ФАРМІРАВАННЕ КАНЦЭПЦЫІ ІНДУСТРЫЯЛЬНАГА ГРАМАДСТВА Ў САЦЫЯЛЬНЫХ НАВУКАХ ХІХ–ХХ СТСТ.

Abstract

У артыкуле аналізуюцца розныя аспекты фарміравання канцэпцыі індустрыяльнага грамадства ў працах найбольш вядомых навукоўцаў-грамадазнаўцаў ХІХ–ХХ стст. Аўтар акцэнтуе ўвагу на вывучэнні працэсаў сацыяльна-эканамічнай, палітычнай і духоўнай трансфармацыі чалавечага грамадства ў даследаваннях вядучых сацыёлагаў, гісторыкаў, філосафаў, эканамістаў, што дазволіла сфармуляваць сістэмнае разуменне грамадскіх працэсаў, выявіць сутнасць і адметныя рысы грамадства новага тыпу, для якога характэрны: падзел працы і рост яго прадукцыйнасці, высокі ўзровень канкурэнцыі, паскоранае развіццё прадпрымальніцкага рэсурсу і чалавечага капіталу, развіццё грамадзянскай супольнасці, шырокае развіццё сродкаў масавай камунікацыі, рост якасці жыцця. Аўтар сцвярджае, што фарміраванне індустрыяльнага грамадства адбываецца ў ходзе прамысловай рэвалюцыі, якая стала прычынай разгорнутай сацыяльнай і духоўна-культурнай трансфармацыі.