УЛАДАННІ І ГАСПАДАРЧАЯ ДЗЕЙНАСЦЬ КАТАЛІЦКАГА КАСЦЁЛА НА ЗЕМЛЯХ ЛЯХАВІЦКАГА ГРАФСТВА (XVII–XVIII ст.)

Abstract

Артыкул прысвечаны вывучэнню ўладанняў і гаспадарчай дзейнасці каталіцкай парафіі Святога Крыжа ў горадзе Ляхавічы ў перыяд XVII–XVIII стст. На аснове архіўных матэрыялаў (фундацыйнага запісу, актаў інспекцыі, інвентароў і падатковых запісаў) аналізуецца колькасны склад і дынаміка зямельных уладанняў, двароў, фальваркаў. Прыводзяцца даныя аб падтрымцы парафіі з боку магнатаў. На аснове падрабязных інвентароў паказана і прааналізавана дынаміка гаспадарчай дзейнасці ў розных галінах: земляробстве, жывёлагадоўлі, вытворчасці прадукцыі. Упершыню падрабязна публікуюцца даныя гаспадарчага інвентару каталіцкай парафіі Святога Крыжа ў Ляхавічах за 1745 і 1782 г. Робіцца выснова пра сувязь паміж значнымі ўладаннямі парафіі, актыўнай гаспадарчай дзейнасцю і яе знаходжаннем на землях магнацкай латыфундыі.