РОЛЯ ТАВАРЫСТВА ЧЫРВОНАГА КРЫЖА Ў СТАНАЎЛЕННІ ІНСТЫТУТАЎ ХУТКАЙ МЕДЫЦЫНСКАЙ ДАПАМОГІ НА ТЭРЫТОРЫІ ЗАХОДНЯЙ БЕЛАРУСІ (1919–1939 гг.)

Abstract

Артыкул прысвечаны аналізу ролі таварыства Чырвонага Крыжа ў станаўленні інстытутаў хуткай медыцынскай дапамогі на тэрыторыі Заходняй Беларусі ў міжваенны перыяд. На падставе комплексу архіўных крыніц разгледжаны агульны стан развіцця аховы здароўя ў Заходняй Беларусі і фактары, што абумовілі важнасць дзейнасці Чырвонага Крыжа менавіта на гэтай тэрыторыі. На аснове найбольш значных прыкладаў уплыву Чырвонага Крыжа на развіццё інстытутаў экстраннай медыцынскай дапамогі вылучаны яго кампетэнцыі, віды дзейнасці, а таксама сродкі рэалізацыі ініцыятыў па паляпшэнні стану аховы здароўя насельніцтва Заходняй Беларусі. Зроблены высновы аб агульных тэндэнцыях развіцця медыцыны ў Заходняй Беларусі і ахарактарызаваны ўнёсак дабрачыннасці ў гэтую справу ва ўмовах эканамічнага крызісу напрыканцы 1920-х – пачатку 1930-х гг.